المقدمة
الفرق بين العطر الاصلي والكوبي بقى صعب مع كتر التقليد في السوق.
مع ارتفاع اسعار العطور في مصر 2026 بقى فيه سوق كبير للكوبي والتقليد. لدرجة انك ممكن تلاقي “سوفاج” بـ 800 جنيه بدل 3500 جنيه وتفرح بالسعر. بس المشكلة؟ فرق السعر كبير اه، لكن فرق الجودة والثبات اكبر بكتير. الكوبي اخره ساعتين وبيقلب ريحة كحول ويعمل صداع. الخبر الحلو انك مش محتاج خبير عطور عشان تكشف التقليد. في 3 دقايق بس ومن 3 حاجات هتعرف الاصلي من المضروب قبل ما تدفع جنيه.
تنويه: اللينكات اللي تحت كل عطر دي لينكات افلييت وبتساعدنا نستمر وبدون أى تكاليف اضافية عليك💚
1. الفرق بين العطر الاصلي والكوبي في التغليف: اول انطباع بيفرق
الاصلي: السولفان مشدود ونضيف، الباركود واضح والخطوط ثابتة. الكرتون تقيل ومطبوع كويس.
الكوبي: السولفان مجعد والطباعة باهتة وفيها اخطاء املائية. الكرتون خفيف وبيتقطع بسهولة.
2. الفرق بين العطر الاصلي والكوبي فى شكل الازازة
الاصلي: الازاز تقيل ونضيف والبخاخ قوي وبيطلع رزاز ناعم. السيريال نمبر على الازازة مطابق للعلبة.
الكوبي: الازاز خفيف واللون مختلف سنة والبخاخ ضعيف. ممكن تلاقي فقاعات هوا جوه الازازة.
3. الفرق بين العطر الاصلي والكوبي فى الريحة والثبات
الاصلي: في اول ١٠ دقايق الريحة قوية وبعدين تهدا وتثبت ٥ ساعات. بعد كده بتظهر طبقات مختلفة.
الكوبي: الريحة حادة وتطير بعد ساعتين وتعمل صداع. ريحة كحول واضحة ومفيش تطور في الريحة.
اسئلة شائعة
هل العطر الكوبي مضر؟
اه ممكن. عشان بيستخدموا كحول رخيص ومواد ممكن تعمل حساسية وصداع، وخصوصاً للبشرة الحساسة.
اشتري منين اضمن؟
اشتري من مكان موثوق فيه زي نون، امازون، وجوه، مزايا. اه اغلى 200-300 جنيه لكن انت الكسبان (وممكن تقسط كمان). العطر الاصلي اوفر على المدى البعيد، لذلك ممكن ازازة واحدة تقعد معاك 8 شهور، بدل ما تشتري 4 كوبي كل شهر.
عايز تشتري اصلي مضمون؟ شوف عروضنا في نون وامازون، وان شاء الله قريباً من FACES.
نصايح مهمه قبل الشراء:
متخليش السعر الرخيص يخدعك، و استخدم الـ 3 دقايق دول وانت بتشتري واكيد هتوفر فلوسك واعصابك. العطر الاصلي اوفر لأنه بيثبت ومش هتضطر ترش كل شوية. جرب التيستر الاول في المحل قبل ما تدفع.
متتخدعش بعروض “نص السعر” الاونلاين. لان الاصلي عمره ما ينزل 70%. و دايماً افحص الباتش كود على موقع CheckFresh عشان تعرف تاريخ الانتاج. ولو الريحة قلبت على كحول من اول رشة يبقى 100% كوبي.
دلوقتي بعد ما عرفت الفرق.. شوف افضل 5 عطور أصلية رجالية صيفية 2026
سؤال: هل حصل معاك قبل كده اشتريت كوبي؟ عرفت ازاي؟ احكيلي
لا يوجد تعليق